- Mitglied
vom 15. Juni 2017 bis 17. Januar 2022

- Service
Sie gehört zum Serviceteam in unserem Bistro "Kulissensnack".

Trauernachricht Ilse Moericke

En trurige Nahricht gung us merrn in‘n Januarmaand an’t Hart: Us

Ilse Moericke

is an’n 17. Januarmaand van us gahn.

Wi verleert mit ehr en leev Bühnenmaat ut usen Kring. Se is in’t Jahr 2017 to us kamen un weer Deel van‘t Team in’t Bistro „Kulissensnack“. Dar weer Se Maat bi de „Thekenfeen“ un dör ehr fründliche, nette un trüchhollern Art weer Se bi de Kollegschen un bi’t Publikum geern sehn un hett in de Tiet veel Godet för us Theater daan.

Se weer ok baben in de Garderoov van de Besöker darbi, wenn de Kledaasch in’t Verwahr nahmen un wedder ruutgeven wurr. Besünners geern weer Se in’t Theater, wenn ehr Enkelsöhn Michel Waskönig op de Bühn stunn. Dar weer Se bannig stolt op em. Ilse weer över‘t Theater an’t Meer ruut in anner Vereenen sozial engageert, aver us Theater much Se nich missen, ok wenn ehr dat in de verleden Tied nich jümmer so bannig goot gung. Se warrt us nich bloots in’t Foyer un in de Garderoov fehlen, noch mehr fehlt Se us bannig as Minsch.

Wi warrt Se un ehr Wark in dankbar Besinnen hollen.

Dat Ensemble van’t Theater am Meer –
Niederdeutsche Bühne Wilhelmshaven