M I T G L I E D S C H A F T
- vom 21. Juni 2010 bis 16. August 2024
E H R U N G E N
- 17. November 2021 - 10-jährige Mitgliedschaft
Sie wurden für 10- und 20-jährige Mitgliedschaft geehrt: (unten von links) Selina Berke, Meike Timmermann, Claudia Ducci, (hintere Reihe von links) Inge Gelhart, Harald Schmidt, Heidi Strowik, André Gelhart, Heinz Hillers, Ivy Bleckwedel, Wolfgang Watty und Iris Watty.- FOTO: TaM
THEATER AM MEER, 24. August 2024
Der Tod ist das Tor zum Licht am Ende eines
mühsam gewordenen Weges
Leve Maten,
Anne Hillers hett mi an’n Morgen van’n 16. August anropen un vertellt, dat ehr Heinz in de Nacht inslapen is. Sien in de letzt Tiet sturen Weg weer nu to enn…
Wi sünd trurig, dat us Maat
Heinz Hillers
van us gahn is. Us begööscht, dat he nu ahn Pien op güntsiet sien Roh finnt.
„Heinzi“ – so as de mehrsten em nöömt harrn – weer an de Landesbühn in’t Stadttheater för dat Lucht tostännig. So hett he ok de Vörstellen van us Theater fahren. As ik so um un bi 1970 de eersten Trää bi us Bühn maakt heff, weer dat Heinz Hillers, de mi wiest hett, datt’n ok ahn op de Bühn to stahn, en Lengen un en Leev för de Bühn hebben kann. Heinz weer mit Lief un Seel en Theatermann, de sien Bahntje nich as Job sünnern as en Beropen verstunn. He weer dat ok, de mi later an Ecken un Steden in’t Theaterhuus föhrt hett, wo anners nümms hen kummt: de Kellerwelt un den Schnürböhn. Van meist mehr as 30 Meter hoch baben op de Bühn to kieken un jedet Woort to verstahn, weer en heel besünner Beleefnis.
Wat hebbt wi tosamen fiert, bi de Premieren in de Kantine bi Helmut Kever oder in’t hele Theater bi’n „Hexensabbat“ – meist de hele Nacht hendör. Un Anne un Heinzi weern jümmer mitt’nmank.
As wi in de Kieler Straat 2010 us egen Theater inricht hebbt, weer Heinz darbi un hett us mit sien Sachverstand bi’t Lucht holpen. An’n 21. Juni 2010 is he Maat bi us worrn un bi söss Stücken fahr he de Luchtanlaag.
Wi verleert mit em en leven un flietigen Theaterminschen, de blangen dat Theater bloots noch den SV Werder Bremen akzepteert harr. Wi warrt em un sien Wark in’n dankbar Besinnen hollen.
Dat Ensemble van’t Theater am Meer – Niederdeutsche Bühne Wilhelmshaven
Maak dat goot, ol‘ Fründ
Dien Arnold
B E L E U C H T U N G
- "Lögen hebbt junge Been" (10/11)
- "Mien Mann, de fohrt to See" (10/11)
- "So en Slawiner" (11/12)
- "Mudder is de Beste" (11/12)
- "Dat Meer-Hotel" (12/13)
- "De besten Daag in mien Läven" (12/13)
